Við ætlum að hittast í Kjarnaskógi næstkomandi laugardag, 25. janúar, æfa okkur að mynda í snjó og jafnvel gönguskíðakeppnina sem er haldin þennan sama dag.

Félagsstarfið er fjölbreytt. Auk almennra funda með myndasýningum, spjalli og fjölbreyttum viðfangsefnum er gjarnan farið í ljósmyndaleiðangra þegar færi gefst.

Í félagsaðstöðu klúbbsins er vel búið ljósmyndastúdíó, sem félagar geta fengið afnot af gegn vægu gjaldi. Allir skráðir og skuldlausir félagar geta bókað tíma í stúdíóinu.