Nú er febrúar að taka völdin og verðum við með tvo viðburði í mánuðinum. Sá fyrri er útifundur þriðjudaginn 11. febrúar en sá seinni verður workshop/fræðsluspjall á netinu, 25. febrúar.
Dagsetning: 11. febrúar - Myndataka í myrkri/lítilli birtu.
Staður: Ráðhústorg (fyrir utan Landsbankann).
Tími: Mæting kl. 19:30 - Verðum +1 klukkustund að mynda og spjalla saman.
Ráðleggingar - Hilmar Friðjónsson segir:
Komdu með myndavélina þína, þrífót, góð föt og góða skapið. Ef einhver á fleiri en einn þrífót, þá endilega komdu með hann líka (gott að hafa auka-fætur ef einhver kemur sem á ekki slíkan grip). Ef einhverjir eiga fjarstýringu þá takið hana líka með og ef menn vilja æfa sig með flassmyndatökur í lítilli birtu, þá er velkomið að koma með það.
Man ekki eftir fleiru en bætið við í athugasemdum ef ykkur finnst ég hafa gleymt einhverju.